Saturday, September 29, 2012

~~ හැපී බී ඩේ මගේ ~~

මුණු පොතේ
බිත්ති පුරා
ලියැවුණු සහසක්
සුභ පැතුමන් අතරේ
සෙව්වා නුඹේ පැතුමත්
ඒ අතරේ
නොවුනත් නුඹ පැතුමන්
ඒ අතරේ
සතුටින් ඉපැලුනි හද
කියවූ පැතුමන් ඔස්සේ 
මිතුරනි තුති සැමදා
නුඹලායි මට වටිනා

Thursday, September 13, 2012

~~ බොළඳ පෙම් ලොව ~~

මාලිගාවක සුව නැත
මගේ පැලේ
සේද සුනිදු ඇද ඇතරිලි නැත
මගේ පැලේ
බත් ඩින්ගයි සම්බෝලේයි
වේල් දෙකට දවස ගෙවයි
සිනමාවක නවකතාවක
දැක නුඹ මවනා හීන දිවිය
සැබෑ ලොවේ
බැහැ පවතින්නට
නුඹ මවනා අප
පෙම් ලොව

Tuesday, September 11, 2012

~~ බැසයන්න සඳවති ~~

සඳවතිය
බැස ගිය නුඹ
හිඳිනු ඇයි තව
වළා අතර
පෙනී නොපෙනී
යනුමැන විගහින්
මගේ ලොවට අද
පායන්න ඉඩ දී
හිරු කුමරිට

Tuesday, September 4, 2012

~~ සුන්දර විරහව ~~

මට
විරහව
සුන්දරයි
ආදරයට වඩා

නුඹ
විරහව තුල
සුන්දරව
සිටින නිසා